ზმნის მხოლობითი და მრავლობითი რიცხვი

1. დავალება. დააკვირდით სურათებს და წაიკითხეთ წინადადებები.

ბავშვი ცურავს.	ბავშვები ცურავენ.

ცურავს არის ზმნა, რომელიც აღნიშნავს ერთი ბავშვის მოქმედებას.

ცურავენ არის ზმნა, რომელიც აღნიშნავს ერთზე მეტი, მრავალი ბავშვის მოქმედებას.

მამალი ყივის.	მამლები ყივიან.

ზმნა ყივის მხოლობით რიცხვშია. ზმნა ყივიან მრავლობით რიცხვშია.

ამრიგად, ცურავს და ყივის მხოლობით რიცხვშია.

ცურავენ და ყივიან მრავლობით რიცხვშია.

2. დავალება. ეს წინადადებები ისე გადააკეთეთ, რომ მხოლობითში მდგარი ზმნები მრავლობითში იყოს და მრავლობითში მდგარი ზმნები - მხოლობითში.

მგლები ყმუიან. ბატკნები ძოვენ. შოშიები გაფრინდნენ. არწივი კურდღელს მისდევს. გარეული ღორი დათვს ებრძვის. ციყვი ზამთრისათვის კაკალს აგროვებს. ბავშვები მარწყვს კრეფენ.